Thla In A Puahcok Ṭheu

England, Harlow, Essex khua ih um innsang nu kum 36 mi Charlene Smith cu thla in a puahcok ṭheu. Zan a itthat laiah arak puahcok ih a serh kiangkap khal a thamsak. October 2015 kum ihsin an inn cu a hrang thok, a fale pawl khalin an inn sungah thilmak tuktuk an hmu ṭheu.

An itthat laiah tla zo ti theih loin an sangka an king ciamco ih an va ong cu zohman an rak um lo, April 2016 kum ah puithiam a ko ih an innsung cu tidai thianghlim in thlausuahnak a pe, cumi hnu ihsin thla ih cangvaihnak cu a luar deuhdeuh.

A caan len a nu tei inn ah tla an va riak nan thla in ava tibuai thotho. Kum 2 sung cu catbang loin thla in a tibuai ṭheu, thla ko thiam (pol) a ko hnu ihsin tuardan a thiam thu a rel. Thla ko thiam in “Nan inn a hrang asilo, nangmah ah thla aum.

Inndang ih nan va um asikhallen thla in a lo thlun vivo ding. Curuangah nangmah le nangmah na nehawk a ṭul” a ti. Cun, an inn ih thla a hrangdan khal September 2015 ah a pate cu an kaiten par ihsin a tla that. Cumi hrangah thawinak an tuah ih, cumi hnu ihsin an inn sungah thla aum thu a sim.

Charlene Smith in thla cu ṭih lo dingin a control aw ringring ih thla 9 hnuah cun thla cu a hlo viarviar. April 2018 kum ah fanute anei ih cumi hnu ihsin thla cu a hmu nawn lo, curuangah a fanu cu “in humhimtu Vancung mi” tin a ko ṭheu.

Be the first to comment

Leave a Reply

Your email address will not be published.


*