Thla In An Tibuai Ṭheu Ruangah Palik Sakhan Ah Thubuai A Thehlut

India, Gujarat police pawlin thubuai danglam zet an buaipi rero lai. June 29 sunah mipa kum 35 mi cu an sakhan sungah ava lut ih thla in an tibuai ih that an tum thu a sim thei.

Zarhpisun ah lo hna a ṭuan ih thlasual 2 in an tibuai, cun that an tum thu cu palik hnenah a sim. Thubuai thehluttu ih hmin cu Varsangbhai Bariya a si, palik pawlin an zum lo tuk lawk nan aumdan ihsin thildik lo aum ding, a thluak lam a kim lo si ding ti an zum ruangah a thubuai thehlut mi cu an cohlang sak.

Palik pawlin a innsang lam an phone ih a innsang pawlin a thluak kim lo thu an rak sim, ni 10 liamzo ihsin a sii a ei nawn lo ih a nat a luar tuk tin an sim.

Cumi hnuah palik sakhan sungah ava tlanlut sal ih ‘Palik sakhan sungih aum asilen thla pawlin an tibuai ngam lo’ a ti. Palik bawi in a innsang pawl a phone sal ih a siivai punghmanten eiter dingin a sim, a siivai punghmanten a ei asilen hitin a buai nawn lo ding tin forhfialnak a nei ih innlam ah an tlungter sal.

Be the first to comment

Leave a Reply

Your email address will not be published.


*