Thla Zingzoitu Cu Thla In A Ti Buai

Barri Ghai cu thla zingzoitu Ghost Hunter a si ih a hminthang zet, leitlun ram dangdang ah a fehkual ih innhrang, hmunhrang pawlah thla a hawl ṭheu, thla a dawitlan. Hlasakthiam Toyah Willcox in a inn pakhat hi a hrang tuk tin a tarlang, cumi hnuah Barri le a rualpi 2 in a innsung ah thla an va hawl.

Zan an riahchilh ih innsung hmunkip ah thamvang kaihnak cet le video camera ṭha zetzet an ret thluh. Cutin thla an hawl rero laiah Barri cu thla in a ti buai, a ṭong thei nawn lo ih amah le mah a rekaw.

A bengaw ciamco ih thawsam in a talbuai, a rualpi pawlin an bawm tum rero nan an bawm thei lo. A thah neih hmuah suah in a tlansuak ih innleng a thleng hnuah a thaw theisal. Barri in, “Room pakhat ah ka lut ih room sung boruak cu a rit tuk, cumi hnuah hmuhtheih loin ka thahri zunzam a hmet cawl ruangah ka thaw thei nawn lo.

Ka thi dingah ka ruataw, kum 20 sung ka hnaṭuannak ah hivek thil ka tong dah lo. Thla in ka taksa a tham ih a tuahmawh hi ka veikhat tonnak a si, himi inn sungah thlasual aum” a ti.

Be the first to comment

Leave a Reply

Your email address will not be published.


*