A Thla In A Fahniang Thlan A Vehvai Ṭheu

USA, Carolina ramkulh, St Philip’s Church thlanmual ah nunau thla an hmu ṭheu. Puanvar a sin ih a lu a kun ih a riahsiat hmel tuk. Kan dungte ah vengsung mi pakhat cu thlanmual ah ava feh ih thla cu a hmu, thla cu a zuk ngah ih a lau tuk.

A thuhla a zingzoi vivo hnuah hlanlai ih mithi Sue Howard a si ti a thei. 1987 kum khalah veikhat an rak zuk ngah zo. Sue Howard hi zangfahum zet a si. 1888 kum ah nau a pai, a pasal thawn nau neih ding cu an hngakhlap tuk. Asinan, nau a neih laiah a thi, a naute khal a thi.

St Philip’s Church thlanmual ah an phum, St Philip’s Church thlanmual cu 1680 kum ih tuahmi a si. Cumi hnu ihsin thlanmual ah a thla hi an hmu ṭheu, a naute an phumnak thlanmual ah a to lai an hmu ṭheu. Vengsung mipi pawlin thlanmual ah nunau ṭap thawm khal an thei.

A caan len a naute thlanmual kiangkap ah riahsiat hmel zetin a feh rero ih a hlosal. Kum 134 hnu khalah a thla an hmu lai ruangah mipi in an ṭih in an zangfah tuk.

Be the first to comment

Leave a Reply

Your email address will not be published.


*