Thlakhat Lenglo Fala A Hlo, A Innsang Pawl An Hringhro Ih, ‘Nan Tlensuak Lo Asilen Kan That Ding, Uico Rawl Ah Kan Pe Ding” An Ti

Shan State, Hsipaw Township, Namon khua ih um fala kum 19 mi Nan Kham Aung cu June 4, 2022 ah Lashio khawpi ah hnaṭuan dingin a poksuak ih a hlo lanta. A innsang pawlin an hawl rero, online sung khalah a hloh thu hi an tarlang. Zo ti theih lo mipa in a pa cu a phone cu sumpai ting 15 in ra tlensuak uh’ a ti.

A naunu in, “Ni 2/3 liamzo ah mipa pakhat in ka pa a phone. Kawl ṭong in a bia, na fanu hi na duh lai asilen ting 15 in tlensuak aw. Nan duh nawn lo asilen kan that dingih uico rawl ah kan pe ding’ tin a hringhro. Ka pa in aumnak le khuitawk ah kan hmu thei ding tin a sut ih arak hringhro ciamco.

A umnak khal a sim thei lo ruangah bumnawknak ti kan thei, a tir ahcun kan rak zum lawk ih sumpai khal kan kuat tum. Asinan, aumnak le khuitawk ah kan hmu thei ti in sim thei lo ruangah kan zumsal lo. Ka u a hloh thu hi online sungah kan tarlang ih mibum hmang pawlin an rak hmu ih in bum tum a si ding” a ti.

Ralhrang in ramsung thuneihnak an lak hnuah Shan ramsung ah rihtheihsii tham le mihlo thuhla theih ding a tam zet. Kan dung khalah suamhmang pawlin tleirawl pakhat an kaihrem ih a innsang hnenah sumpai an dil, sumpai an kuatawknak ah an fapa cu thlanmual ah thicia in an va hmu.

Be the first to comment

Leave a Reply

Your email address will not be published.


*