Thlam Kang Ah Mi 3 An Thi

Mizoram, Aizawl, Ramhlun South ih um Pu Lianchhunga ih thlam a kang ih mi 3 an thi. Pu Lianchhunga hi Suangpuilawn khuasuak a si ih Aizawl ah an um, Rungdil tiva kap ah hmuan anei ih nga vulhnak tili an tuah ih vok khal an vulh.

Pu Lianchhunga cu hmuan ah aum dah lo, hmuan kiltu dingah a fapa MKa le MKa ih fapa, an driver le an hmuan kiltu tei pafa, mi 5 an um. Thlam hi inndot hnih a si ih a hnuaiah an hmuan kiltu le a fanu an riak, a par ah Pu Mka le a fapa, an driver an riak.

Kangmei a suak ti an theih tikah cun an tlai zo, inn par ih riak Pu MKa ih fapa le an driver cu an dawp suak thei nan Pu MKa le an thlam kiltu pafa cu an vanduai. An ruang ihsin zo an si ti an theihtheih lo. An thlam hi inn vek a si ih a tum zet, an thlam le tikhuah kiangkap ah solar an ret tam zet.

An thlam hnuailam khalah thing’ah mi tam zet an ret, cun motor ke’sia khal an ret hnuaihni ruangah kangmei hi a nasa tuk. Pu MKA ruak cu Ramhlun South ah an vuiliam dingih an thlam kiltu le a fanu cu E.Phaileng ah an vuiliam ding. (#Lawrkhawm)

Be the first to comment

Leave a Reply

Your email address will not be published.


*