Thlanrawn Khua Kiangah CNA/CDF In Ralkap Pawl An Kap

Falam-Hakha karlak, Falam peng sung Thlanrawn khua kiang ih umhmun khuar ralkap pawl cu CNA/CDF in tuizing October 14 zinglam nazi 11:00 hrawng ah an kap ih minute 30 sung hrawng kahawknak a thleng.

CNF ṭuanvo neitu Salai Htet Ni in “Tuizing nazi 11:00 hrawngah kan kap. Hakha lam ih ra ṭum an si ih kanmah in kan kap hmaisa, Falam ralkap sakhan ihsin pukpi (122MM) in an run kap bawm.

Tu cu kan dai hrih, kannih lam ahcun hliamtuar an um lo” a ti. Ralkap pawl cu Lungpi le Thlanrawn ah camkhat sung umhmun an khuar lawk ih Hakha lam feh tum an si.

An fehnak lamtluan ah meithal le pukpi an kap vivo ih mipi inn le lo khal an siatsuah. Falam lamzin khalah mi 2 an kap that zo. Rialti khua ah biakinn telin inn 10 an urkang le Thlanrawn Khuathar ah inn 9 an urkang.

Be the first to comment

Leave a Reply

Your email address will not be published.


*