Thlisia A Hrang Ruangah Nga Hawl (2) An Thi

Rakhine State, Myebon khua kiangih tiva ah tualsung mi pahnih in lawng thawn nga an va hawl. May 21 simlam nazi 5:00 hrawngah nga an hawl ih thlisia a hrang thutthi, tisuar ruangah an lawng a let ih an hlo.

Tualsung mipi pawlin an hawl ih May 22 zinglam ah thicia in an hmu, an lawng let khal an hmu. Mithi pahnih cu Kyauk Maung khuami an si ih an hmin cu Ko Nge Maung Chay (kum 28) le Ko Nu Sein Aung (kum 25) an si.

Khuami pakhat in, “Ko Nge Maung Chay ih ruak kan hmu hmaisa, a kiangah Ko Nu Sein Aung ih ruak kan hmu. An kiangnai ah an lawng let khal kan hmu cih” a ti.

Mithi ruak pahnih cu simlam ah an vuiliam. Ko Nge Maung Chay in a nupi le a fale 5 a thihsan, Ko Nu Sein Aung in a nupi le a fanu 2 a thihsan.

May 21 sun ah thlisia a hrang thutthi ruangah Myebon khua kiang tiva ah lawng thawn khualtlawng lawng 18 in harsatnak an tong, lawng pakhat a let nan mithi le mihlo cu an um lo.

Be the first to comment

Leave a Reply

Your email address will not be published.


*