Thuanthu Roling Sungih Kurbungbel Vek An Ti

Indonesia tlangval Karna Radheya le UK model hminthang Polly Alexandria Robinson cu thungai thlakin an duhaw ih an neiaw cu mipi in mak an ti tuk. Thuanthu Roling sungih Kurbungbel vek an ti rero. Ngathaisawn ih hmai-er cu aum lo nan an duhaw zet thotho.

Karna Radheya cu mipangaite a si ih Polly cu a hmel a ṭha in a sang tuk ruangah model lak khalah a hminthang zet. August 2017 kum ah Bali khawpi ah an rak tongaw ih an biakawk rero hnuah nunau sawn in a duh hmaisa.

Karna Radheya in “Ka zun ah ramdang mi fala mawi zet a uai ding ti hi ka rak zum ban lo. Khuanui samhrisih kan rak si ih Pathian in Polly hi ka nupi dingah in pek ruangah ka lungawi tuk” a ti.

Online sung khalah mipi in ziangtin nan duh aw thei tin an mangbang thu’n an comment, online sungah an zuk pawl an tarlang ṭheu ih Polly ih facebook page ah thluntu 280,000 hrawng anei. Karna ih Instagram khalah thluntu 75,000 zat anei ve. Duhdawtaw zetin an umtlang vivo ih tu’ahcun fanu pakhat an nei zo.

Be the first to comment

Leave a Reply

Your email address will not be published.


*