Thurawn Petu In Singapore Ram Do Dingin Thurawn A Pe

ASEAN meeting ah Min Aung Hlaing an telter nawn lo ruangah ralkap pawl cu an sa vutvo. A phunphun in ASEAN palai pawl cu ralrinnak an pe, Min Aung Hlaing khal amai duhty vekin meeting cu ava kai tum thotho. Nay Pyi Taw ah nazi 3 sung meeting an nei ih ASEAN palai cu Kawlram leiram ara pal veten rak kai hngal dingin an tawlrel.

An meeting-nak ah Min Aung Hlaing in ASEAN meeting thuhla le ramsung ih leihnuai lamzin thuhla lawng thaw zetin a rel rero. U Mann Nyein Maung in “Leihnuai lamzin thuhla cu kathaw zetin a rel rero, thildang cu a relthaw lo.

Curuangah a rang theibikin leihnuai lamzin tampi tuah lohli dingin thurawn ka suah ih a lungkim zet. A cabu sungih a ngan lai ka hmu, leihnuai lamzin tampi kan tuah asilen lamzin ong puai ah vei tampi a feh thei ding” a ti. Thurawn petu pakhat U Khin Maung Swe in ASEAN thuhla ih an lungawi lonak ah ASEAN ram pawl cu do dingin a relsuak.

U Khin Maung Swe in “ASEAN pawlin ralkap hotu Min Aung Hlaing cu an hmuhsuam lai asilen ASEAN ram pawl kan do dingih nun kan sim ding. Thailand ram cu sai (vui) var pakhat kan pe asilen kan lamah a tang dingih ral in dopi ding. ASEAN ram pawl kan do asilen Singapore ram hi kan do lohli a ṭul” a ti.

Meeting kai ve U Mann Nyein Maung in “Raldonak thuhla reltu cu thurawn petu pawl an si, Singapore ram an la thei asilen an rak tiamkammi kum 5 sungah leihnuai lamzin tampi an tuah tummi pawl cu an tuah lohli thei ding an ti. Himi thuhla ah ralkap/ralbawi pawl cu an kaa an cip thluh, doawknak thuhla ah zianghman an relve lo.

Singapore do dingin ralkap khal an um nawn lo, ramsung khal a buai rero lai ruangah thilcang thei lo a si” tin media hnenah a sim thei. Raldo ding thuhla an thehlut mi cu Min Aung Hlaing in a lungkim hmel zet a ti. Ralkap hruaitu pawl lakah Singapore donak ah ṭih ding zianghman aum lo tin an rak aunak cu kum reipi a si zo.

Be the first to comment

Leave a Reply

Your email address will not be published.


*