Ti Tawih Puai Ah Innkhat Mi Pakhat Tel Dingin Hmin Cazin An La, Phur Zet Ih Lamtu Cu 20,000 An Pe Tum

Rangon veng ṭhenkhat ah ralhrang pawlin innkhat ah mi pakhat ciar ti tawih puai ih tel dingin hmin cazin an la, veng lal pawl hmin cazin an lakter. Thaketa, North Dagon le South Dagon veng ṭhenkhat ah hmin cazin an la rero lai ih phur zet ih lamtu hnenah 20,000 an pek ding thu an sim thei.

South Dagon ih um pakhat in, “Veng sungah hmin cazin an ra la, lamzin ih lamtu hnenah laksawng an pe tum. Ti tawih puai ih tel pawl khal laksawng an dirhter tum” a ti.

Lamzin kap khalah lamnak ding hmun an tuah rero zo. Hmin cazin an lakmi pawl cu motor thawn an va hmuak dingih an thlahsal tum, ti tawih puai ah korsen lo hmuah cu hruh an siang.

Myanmar ti tawih puai Thingyan cu April 13 ihsin April 16 tiang an hmang ṭheu, mipi humhimtu pawlin tuikum ti tawih puai ih tello dingin ca an suah rero zo.

Be the first to comment

Leave a Reply

Your email address will not be published.


*