“Tiam Ee” An Ti Hlante Ah Monu In Mopa A Ṭhen

Kan dung zarhte zan June 5, 2021 zanah India ram, Uttar Pradesh ah kutsihnak an nei. Tikri khua ih fala kum 22 mi le Kutiliya Ahina khua ih um tlangval cu neiaw dingin ziangkim an tawlrel thluh.

Covid-19 thlisia hrang lakah kutsihnak cu an nei tum thotho, kutsihnak an thok hlante ah mopa cu zuripin ava lut ih monu innsang thawn ṭongkam an el’aw deuh. Mipi hmaiah mopa in monu cu a ko ih a lamter, monu in in hmuhsuam tin a suahsan cih ih a innsang pawl khalin makpa dingah an duh lo thu an sim.

Mopa lamin an lem rero ih kutsihnak cu pehsal dingin an sawm, asinan monu innsang pawlin an cohlang nawn lo ih mopa man le laksawng an pekmi pawl pe kirsal thluh ding an dil (India ahcun monu in mopa man an pe sawn).

Cutin, an thuhla a hnok zet ruangah vengsung palik pawl an ko, palik in an thuhla cu a buaipi ih a cemnak ahcun ṭhenaw fel dingin an relcat. Mopa man le laksawng pawl khal an pe kirsal thluh ih neiaw sal loin mai inn ciar ah an tin. (Times of India)

Be the first to comment

Leave a Reply

Your email address will not be published.


*