Tidai Hnuaiah Meisa A Alh Rero

Leitlun ah thilmak tam zet aum ih mifim mithiam pawl khalin a san le vang an zingzoi suak thei lo. US, Chestnut Ridge Park sungih um hi a mak in a danglam zet. Tidai (Waterfall) hnuaiah meisa a alh ringring, himi meisa a alhnak hi khuahlan laipi ihsin a si zo.

Himi meisa alh aum ruangah a hmunram cu park ah an tuah ih a hminthang phah zet. A hmin ah Eternal Flame Falls tin an ko, hlanlai ahcun an rak serh zet ih thawinak tla an tuah. Thil titheinak pakhat khat aum ding ti an rak zum ruangah an serh zet, ṭhenkhat in leitlun boruak a siat tik lawngah himi meisa hi a mit ding ti an zum.

Meisa a alh sung cu leitlun boruak a ṭha lai tin an rak hminsin. Leitlun mifim scientists pawlin het leh chet tin an rak zingzoi ih himi umnak lungto pawl hi an upat tuk ruangah le leihnuai ih um gas pawlin himi meisa hi an sersuak tin zumnak an nei.

Asinan, Discovery pawlkom in hmun dangih an hmuhmi meisa alh vek a si lo. Hmundang ih pianphung tabawah meisa alh an hmuhmi pawl cu lungto danglam le leihnuai gas ruangah a si tlangpi nan himi meisa alhnak leihnuai le lungto lakah thil danglam zianghman aum lo an ti. Tidai hnuai ih meisa alh hi a dim caan le a alh nasat caan aum ih leitlun thilmak pakhat cu a si ding.

Be the first to comment

Leave a Reply

Your email address will not be published.


*