Tikawng Kap Ah Pitar An Sar

Thailand, Pathum Thani ramsung ah pitar pakhat an sar, September 3 sun ah mi pakhat in a hmu ih tualsung mibawmtu pawl hnenah a sim thei.

Pitar cu poster parah arak it ih amahten khal a to thei lo, cun a kiang bag sungah a hnipuan le siivai pawl aum. Mipi in hmuh lohli lo sehla cun tiva cu a thang vivo dingih a thi men ding ti an zum.

Siizung ah an tlanpi hngal ih ‘ziangtin tiva kap ah na va it thei?’ tin an sutnak ah “Keimahten ka feh ih ka it” a ti, asinan palik pawlin a dinhmun an zoh tikah amahten khal to thei lo a si ih amahten cun a feh thei lo ding ti an zum.

A ID pawl an zohnak ah Ayutthaya khua ih um ti an thei ih a innsang pawl pehtlaih dingin palik pawlin an hawl rero lai.

Be the first to comment

Leave a Reply

Your email address will not be published.


*