Tikhur Ih Tla Nauhak An Runsuak Lai Cu An Va Zoh Ciamco, An Cangsual Ruangah Minung 40 Hrawng An Tla Ih 11 An Thi

India, Lalpathar khua ih tikhur tumpi sungah nauhak kum 10 mi a tla. July 15 zanah a tla ih runsuaktu pawlin runsuak tum in an zuam rero lai.

An thuhla cu khuasung mipi pawlin an thei vivo ih minung 50 hrawngin an va zoh cu an cangsual ruangah minung 40 hrawng tikhur ah an tla bet. Tikhur cu feet 40 hrawngin a thuk, runsuaktu pawl khal an buai zet.

Ṭhenkhat cu an runsuak theisal hngal ih siizung ah an tlanpi, zan a tlai zo ih tidai sung a thimtuk ruangah a thaizing lamah an va hawlsal cu minung 11 an thi ti an thei. Tikhur ih tla nauhak khal arak thi zo ih a ruak cu netabik ah an lasuak thei.

Runsuaktu pawlkom lak khalah hliamhma tuar an um ih siizung ah an tuamhlawm rero lai. Khuasung mipi pawlin tikhur tuahtu pawl cu an mawhthluk, ṭhaten an tuah lo ruangah nauhak a tla an ti. Mithi innsang pawl cu an ram cozah in zangnadawmnak ah ₹ 5 lakh ciar a pe tum. (#Indiatimes)

Be the first to comment

Leave a Reply

Your email address will not be published.


*