Tipithuanthum Ṭihnung Bik ‘Bermuda Triangle’ Ah An Tlawng Ding, Long Totu Pawl Cu Long A Hlo Asilen Long To Man An Pe Kirsal Ding

Leitlun ih tipithuanthum ṭihnung bik an timi ‘Bermuda Triangle’ ah an va tlawng tum. Norwegian Prima long tumpi a si, minung pakhat ah £1,450 zat a si ih ni 2 sung an rei ding.

New York khawpi ihsin an poksuak dingih Bermuda Triangle tiang an feh ding, a hmun le ram pawl an zoh hnuah an kirsal ding. Ṭhenkhat mipi cu long to an cak tuk ih ticket khal an lei rero zo.

An website sungah, “Bermuda Triangle ah kan va tlawng ding, nan hloh ding cu phang hlah uh. 100% in nan kirsal ding, nan va hlo pang asilen long to man cu kan lo pe kirsal thluh ding” tin an cawngia.

Long to pawl cu Bermuda Triangle ah an va hlo asilen an long to man cu an innsang pawl hnenah an rak pe kirsal thluh ding. Bermuda Triangle tipithuanthum sungah long le vanzam tam zet an pil hlo zo, ṭhenkhat in Bermuda Triangle sungah Aliens pawl an um an ti.

Ṭhenkhat in hlanlai khawpi asilolen ramsa tumpi aum an ti. Long le vanzam 100 lenglo Bermuda Triangle tipithuanthum in a dawlh zo ih tuini tiang an hmu thei nawn lo.

Asinan, 2017 kum ah zingzoitu pakhat in, “Bermuda Triangle ah thilmak zianghman aum lo. Mi khal a dawlh thei lo, vanzam le long hlo pawl cu nikhua siat ruangah le minung cansualnak ruangah a si. Cet thilri siat ruangah a si” a ti.

Be the first to comment

Leave a Reply

Your email address will not be published.


*