Tisartan Hngawng Ah Bike Tyre A Tang, A Phelhsak Theitu Hnenah Laksawng An Pe Ding

Indonesia, Palu ramsung ih um tisartan tumpi, feet 13 ih sau tisartan hngawng ah bike tyre a tang ih an phelhsak thei lo. 2016 kum ihsin bike tyre hi a hngawng ah a tang zo.

Tisartan hi a thang vivo ruangah a hngawng ih um tyre in a tibuai thlang an ti. Hmun dangdang ih um sathiam pawlin tisartan hngawng ih bike tyre cu phelhsak an va tum ṭheu nan an hlawhsam.

Tisartan hi a hngawng ah bike tyre aum ruangah a sual phah zet, Australia tisartan buaipitu Matt Wright khal tisarten hngawng ih bike tyre phelhsak dingin Indonesia ram ah ava tlawng nan a hlawhtling thei hrih lo.

Mi ṭhenkhat in ihhmuh sii in kap hmaisa uhla nan phelhsak thei ding tin ruahnak an pe nan ihhmuhsii in hna a ṭuan hlanah tipi sungah lut in hmun dangah a tlanhlo man ding an phan ruangah siivai lam cun an kap siang lo. A nunglai rori ih kai in phelhsak theitu ding an hawl rero lai, laksawng ah sumpai tam zet pe dingin theihternak an tuah.

Be the first to comment

Leave a Reply

Your email address will not be published.


*