Tisartan In Nauhak Kum 13 Mi A Ei

Africa, Zimbabwe khua ih um nauhak kum 13 mi Nomatter cu an khua kiang tiva ah tak a kolh ih tisartan in a ei. Tiva kiangah a rualpi pahnih kum 14 mi le kum 12 mi cu nga an rak sio ih tisartan in a thiar lai an hmu, an ṭih tuk ih bawmnak dil in an au ciamco.

Khuasung mi pawl an va tlan ciamco ih Nomatter cu an hawl nan an hmu lo, tisartan khal an hmu nawn lo. Ni 2 hnuah tiva kap hmun dangah Nomatter ih ruak cu an hmu ih a taksa ah tisartan ih keunak hliamhma nasa zet aum.

Tualsung mi in, “Nomatter le a naunu kum 8 mi cu hnipuan sop dingin tiva ah an va feh, hnipuan an sop theh hnuah a naunu cu hnipuan thawn a tlunter. Nomatter le a rualpi pawl cu tiva kap ah an um lai, tak a kolhawk rero laiah tisartan in a thiar. Hunyani River tiva ah zohman feh hrih hlah uh” tin theihternak a tuah.

Thla 3 sungah Tanzania khuami 6 cu tisartan in an ei zo, curuangah tiva ah tidai khai hrih lo dingin ṭuanvo neitu pawlin an fial. Cozah in tiva ah tidai khai ṭullo dingin an tawlrel, asinan tiva cu an eihawlnak, an nga hawlnak a si ruangah khuasung mipi pawlin tisartan hi that thluh dingin cozah hnenah an dil. Minung hrangah an ṭihnung tuk an ti.

Be the first to comment

Leave a Reply

Your email address will not be published.


*