Tisartan In Nunau A Deh, A Pum Sung Ta An Phorhsuak

Indonesia, North Kalimantan khua ih um innsang nubik kum 45 mi Fatimah cu a rualpi pawl thawn zan ah nga an hawl, an khua kiang tiva ah nga an hawl. Fatimah cu hmundang deuh ah amahten nga a hawl rero laiah tisartan in a deh.

A rualpi in, “A au ciamco kan theih veten kan va zoh ih tisartan in a keu lai kan hmu, tiva sungah a thiarlut hngal” a ti. A zan ah khawtlang in an hawl ih tiva kap ah a lubul an hmu, a thaizing ah sathiam le palik pawlin an hawl ih tisartan cu an kap that.

A pum an at ih Fatimah ih taksa them pawl an lasuak hnuah a innsang hnenah an hlan. North Kalimantan khuasung mipi pawl ih eihawlnak cu ngaikai hi a si tlangpi, an khua kiangkap ah tisartan an tamtuk ruangah cozah in tiva ah feh lo dingin ralrinnak thu arak suah zo.

Ṭuanvo neitu in, “Tiva ah tisartan an um ruangah tiva ah feh lo dingin ralrinnak kan pe zo. Asinan, an pumcawmnak, an eihawlnak cu tiva a si ruangah tiva ih feh lo cu an hrangah a cang thei fawn lo. An fimkhur a ṭul zet ding” a ti.

Be the first to comment

Leave a Reply

Your email address will not be published.


*