Titanic Hawl Hmutu In Malaysia Vanzam Hlo MH370 Hawl A Tum Nan An Rak Cohlang Lo

Malaysia vanzam MH370 cu March 8, 2014 sunah danglam zetin a hlo thutthi, a sungah passengers 227 le hnaṭuantu 12 an um ih an thuhla khal theih a si nawn lo.

Leiltun ramdang dang in an hawl rero ih vanzam tlathem lawng an hmuh thu theih a si. Himi vanzam hlo hawl thuhla ah Titanic lawngpi hawl hmutu Bob Ballard in ‘Vanzam hlo hawlnak ah a pekawk thei thu arak sim thei nan thuneitu pawlin an cohlang lo a ti.

Bob Ballard in “Vanzam hlo hawltu upa pawl ka phone ih ka bawm thei ding thu ka sim nan ‘kan lo ṭullo in ti. Game sungah ka um lai (hawl dingin pum ka peaw thei lai), asinan tutiang in sawm hrih lo” a ti.

Kum 78 mi Bob Ballard in 1985 kum ah Atlantic Ocean tipithuamthum zialphah ih um Titanic lawngpi arak hawl hmusuak, tipithuamthum sung cu a tlanlennak khawvel pakhat a si.

Malaysia vanzam hlo hawl dingih an sawm lo ruangah 1937 kum ih vanzam hlo Amelia Earhart vanzam cu Pacific Ocean tipithuamthum sungah a hawl tumsal. Amelia Earhart vanzam cu 2019 kum ah arak hawl zo ih an hlawhsam, asinan hmanrua ṭha sawn in hawlsal an tum.

Bob Ballard in “Tipithuamthum sungah lawngsia 3/4 million hrawng an um, lawngsiat tamnak Black Sea sungah hna ka rak ṭuan rero zo. 250 BC kum ih lawngsia khal kan hmusal ih a sungah danglam zetin mithi ruak sia hrih lo an rak um lai.

Tulai cu cet thilri ṭha, bungrua ṭhaṭha aum zo ih thilhawl khal a awlsam zet ding, ka keneh thlun in thangthar nonawl pawlin thil hawl paih ve hai sehla ka duh, neta mino pawlin nasa zetin thil an rung hawl vivo ding ti ka zum” a ti.

Be the first to comment

Leave a Reply

Your email address will not be published.


*