Titanic Zuknung Sungih Nauhak Te In Tutiang Thlahlawh A Ngah Lai >>>

1997 kum ih an tlangthan mi Titanic zuknung cu leitlun ih zuknung ṭhabik timi a si. Titanic zuknung in Oscars laksawng 11 a ngah ih Box Office ah $1billion an hailut thei ih 2010 kum tiang cu sumpai hailut tambik zuknung a si, 2010 kum ah Avatar zuknung in a luahlan.

Titanic zuknung sungih tel mipa nauhakte Reece Thompson in tuitiang Titanic zuknung sungih arak tel ruangah thlahlawh a ngah ringring lai.

Titanic zuknung sungah cun ‘Irish little boy’ tin lem a cang ih mifarah pawl umnak ah hringtu a nu le a farnu thawn an um, an umnak sangka an kharsak ih tlannak ding an nei nawn lo ruangah ihkhun parah an unau in an it ih a nu in hnem.

Cutin tipi sungah an thi thluh cu mipi thinlung an neh tuk ih tuini tiang thlahlawh an pe ringring lai. Titanic zuknung sungih a tel ruangah $30,000 zat an pe ih a tlawngkainak le motor leinak pawl ah an hmang, cumi hnu khalah thlakhat ah $100, $250, $300 tin sumpai a dawng ringring lai.

Kum 25 hnu khalah sumpai a dawng lai ruangah Reece Thompson in, “A caan ahcun Titanic zuknung hi ka thinlung sungah aum nawn lo. Asinan, $100, $250 check ara thleng ih Oh! wow, Titanic Check a si hi. Ava ṭha ve ka ti ṭheu” a ti. Titanic zuksung sungih a tel lai ah kum 5 mi lawng a si, tu’ahcun kum 30 a kim zo ih Brian Head Resor ah director hna a ṭuan.

Be the first to comment

Leave a Reply

Your email address will not be published.


*