Titanic Film Luahlantu ‘Spider-Man: No Way Home’ Zuknung

1997 kum ih an tlangthan mi Titanic zuknung cu leitlun ih zuknung ṭhabik ti a si ih tuini tiang leitlun mipi thinlung sungah a cam ringring.

Asinan, December 16, 2021 ih an tlangthanmi Spider-Man: No Way Home in arung luanlan tin Daily Mail thuthang sungah an tarlang.

North American box office sungah Titanic zuknung in $659.3M a ngah ih Spider-Man: No Way Home in $666.5M a ngah zo. Mipi in zuknung ṭha an pholannak IMDB khalah Titanic cu 7.8 dinhmun ah aum ih Spider-Man: No Way Home cu 8.8 dinhmun ah aum.

Spider-Man: No Way Home hi cinema ah an piah rero lai ih a dinhmun khal nikhat hnu nikhat in a kaisang. Tulai leitlun boruak a ṭha lo ih Covid-19 thlisia a hrang ruangah cinema ṭhenkhat cu an kharsal, cuti cingin Spider-Man: No Way Home zuknung ih dinhmun cu a ṭha zet.

Be the first to comment

Leave a Reply

Your email address will not be published.


*