Tiva Ah Mino 3 An Fen That

Sagaing, Katha District, Kan Kone khua kiangih tiva ah ti a lian ciamco ih mino 3 an fen that. Tiva kap ah hnaṭuan in an um ih ti a lian thutthi ruangah an fenhlo tin an innsang pakhat in media hnenah a sim thei.

“Tiva kap ih hna an ṭuan rero laiah ti a lian thutthi ruangah an fenhlo thluh. Runsuaktu pawlin an hawl ih mani (Sep. 22) ah ruak pahnih an sar, pakhat cu tuisun (Sep. 23) simlam nazi 4:00 hrawngah an hmu, an vuiliam thluh zo” a ti.

Tulai ruah a sur nasa tuk ruangah ti a lian ciamco ih hmun ṭhenkhat ahcun harsatnak an tong, lilawn khal a siat ih lei a min.

Mual liamtu mino pathum pawl cu Kanbalu khuami kum 17 mi Maung Zin Min Aung, Manlu khuami kum 23 mi Maung Tun Tun le Pinpon khuami kum 16 mi Maung Htet Wai Soe pawl an si.

Be the first to comment

Leave a Reply

Your email address will not be published.


*