Tiva Ah Palik A Fen That

Mandalay peng, Meikhtila tiva ah palik pakhat le a rualpa cu tiva ah an fen that. April 16, 2022 ah rualpiza in ti tawih puai an hmang ih tiva ah nuam an cen, cutin tiva ih an um rero laiah cansualnak an tong ih palik ṭuan lai le a rualpa cu an pil that.

Tualsung mi in, “Hmun dangih palik ṭuan a si, ti tawih puai hmang dingin cawlh a la ih khua ah ara tlung duak. A rualpi pawl thawn khawpi ah an va feh ih tiva ah tak an kolh laiah an pil that” a ti.

Mithi cu Aing khuami tlangval kum 23 mi Ko Ye Kyaw le palik ṭuan lai Ko Zin Min Htike (kum 22) an si.

Tileuh thiam pawlin an ruak hi an hawl rero hnuah thicia in an hmu ih siizung ah an phur. Siizung ah mi kuttuar ih thi maw, tiva ih fen that ngai tin zohdiknak an nei rero lai.

Be the first to comment

Leave a Reply

Your email address will not be published.


*