Tlangsam Hi Covid-19 Na Damnak Hrangah Ṭha Tuk

Alfred Paro: “Kuchai Lama, KL, Malaysia ih um ka rualpa kan Laimi in Tlangsam suan mi hang a in ih a dam rori.
Tlangsam hi cuap lam hrangah a ṭha zet ti a si ih. Tlangsam lak ih faite ih khawlh ih suan ih a hang in cun thaw thawt a ṭhat tir tikah Oxygen khal a tamtir thei ti a si.

Rakhine pa ih Video thlah mi kha ka rualpa COVID ih damlo pa in a rak hmu ih cutin dam lo cingten harsa cingten tlangsam a va hawl ih anih cu a hnah lawng suang loin a ko (a hnge) thawn a suan cih. A ko ka ti tikah a cang mi a si lo. Zuk ih ka tar mi vek. Ka rualpa ih lak mi a suan mi a si.

Ni khat ah lakphak khuat khatin vawi 3 lole vawi 4 lai a in ih a dam nasa. Ka ṭha sawt tuk. Ka ngaih tuk a ti. Amah thawn nitin be aw ringring kan si ih mizan ih kan biakawk cu a harhdam tuk amah khal a nuam aw tuk.

Himi a in hlanah Sibawi le nurse pawlih an pek mi Si a ei nasa. A dam deuh vek nan zamrang ih dam a duh ruangah Tlangsam hang a in nak a si. Ka rualpa hi Laimi Kuala Lumpur, Malaysia ih um a si. Kan biakawk lai zuk tla ka tar.

Kawrsen hruh khi amah a si. Tlangsam hang ka in hlan cu ih lawnglawng ka duh, ka tha a cem, ka zawng, ka taksa a rit. Himi tlangsam hang (ti) ka in hnu cu ka zangkhai, vak ka duh, hnaṭuan tla ka duh a ti. Tu cu kan dawr awng sehla hna ka ṭuan thei ding a ti. A in nak ni khat luan fang a si.

Kei hi ka COVID ve lo nan ka cuap lam hi a ṭha lem loih ka khuh ṭhungṭho ṭheu tikah ka la ve ih ka in ka in hnu in ka taksa a nuam vekin ka thei vawikhat lawng ka in lai. A hang hman kan in si kan tiih a hnah kan suan mi khal rawl hmeh ah kan hman men. Khasuan sen/rang le mah duhduh rawi in hmeh ah tuah a theih.

Rakhine pa ih video kha a rak ṭhahnem tuk. Mi dang hrang a duhsak tukih an dam lole ka hngawng ka tan ngam tivekin a rel. Anih cu Zumtu (Christian) a si loih a ṭawng a siat deuh khalle ngaithiam a theih. Ziang khal hi ngaih le ngaih lo timi cu aum ko.

Cunah na ngaih ve na hrangah a ṭangkai ve pangah tiah mipi theih dingih ka ngannak san a si. A suan dan a in dan vek cu mai ti dandan khal a pawi ciamco lo. Chemical tello mi a si tikah amal tuk a tam tuk tiah buai ding a um lo. Tihang kan in vek men vek a si ko.

Ṭihnunnak pakhat khal a um lo. Damnak ngaingai neitu cu Pathian a si. Asinan Pathian in amai sersiam mi milai hnenah fimnak a pe ih cumi hi kan hman thiam ding hi in duhsak. Harhdamnak thu ah mah khalih cangvaih ding ih Pathian in in siang. Mize cu Pathian in a rem ve lo.

A in tla a har lo. Mi damlo hrangah malte khalin in a theih tam deuh khalin in a theih. Mi na nan pek ruangah a dam tla a si thei. Asinan himi nan pek ruangah cun siatnak lam cu a um hrimhrim lo ding. Chemical tel mi a si lo. Ka rualpa khal khuatkhat a in men vawi khat a in ah. Ni khat ah vawi 3 lole 4 a in. Kei tla khuat khat ka cuap hrangah ka in men. In le a har lo.

Ka rualpa COVID ih Tlangsam hang a in ruangah a dam ih cunah midang tla an dam thei pangah tiah ka thlahnak a si. Tlangsam cu lei le a ṭul lo hmun tin deuh thaw ih um a si ruangah kan Laimi hrangah a ṭhathnem pangah ti a si. Mai thiam dandan in tuah le in a theih. Mipi harhdamnak duhtu… (Rakhine pa ih video zoh duh hrang a hnuaia)


Be the first to comment

Leave a Reply

Your email address will not be published.


*