Tlangval Thawn Tong Aw (Date) Dingin An Tiamkam Aw, Tlangval A Feh Lo Ruangah Taza A Cuai

Leitlun ah tazacuai awknak phunphun aum, hnaṭuan mi ning tuk ruangah company neitu tazacuai khal an um zo. US, Michigan khua ih um nunau le tlangval pakhat cu tong aw dingin an tiamkam aw.

Nunau cu an tonawknak ding hmun ah ava feh nan tlangval cu a lang lo, neta ah a phone ih thil poimawh tuah ding aum ruangah a feh lo thu arak sim thei ih a thinheng tuk. Curuangah nuanu in taza a cuai ih zangnadawmnak ah $10,000 a dil.

Nunau in, “A man lo a si lo. A tum lo ruangah ara feh lo sawn a si, ka thin a natter. Hringtu ka nu ih suahcam khal hmang loin ka rak poksuak, ka nu in mual in liamsan” tin thuṭhentu hmaiah a au ciamco.

Mipa in, “Tongaw dingin kan rel, thildang zianghman aum lo. Himi men ah taza in cuai ih $10,000 zat in dil cu a cang thei lo” a ti. Thuṭhentu in a buaipi thei lo ding thu arak sim thei ih tualsung court ah thubuai va thehlut dingin arak fial.

Be the first to comment

Leave a Reply

Your email address will not be published.


*