Tlangval Vanṭha, Phir Unau In An Duh Veve Ruangah An Pahnih In Nupi Ah A Nei

Thailand, Ban Phaeo District ih um tlangval kum 24 mi Mr. Wichai hi a vanṭha tuk, fala phir unau in an duh veve ruangah nupi ah an pahnih anei lawlaw.

A nupi hmin cu Mrs. Sirinthara (Fiat) le Mrs. Thiphawan (Tao) an si. Innkhat ah an umtlang khawm nan room dangdang an nei, Mr. Wichai cu room khat a lut hnuah khatlam room ah ava lutsal ṭheu.

Sirinthara tei unau hi duhdawtaw zet an si ih ṭhenaw thei lo an si, curuangah pasal an neih tik khalah an duhmi a bangaw ih ṭhenaw lo dingin an tawlrel. An thikaw dah lo ih duhdawtaw zetin an umtlang khawm.

Mr. Wichai in an innkiang ah dawr a ong ih thil an zuar ṭheu. A nupi upatu Fiat in, “Kan unau in kan duhdawtaw tuk ih kan ṭhenaw thei lo. Kan nauhak lai ihsin khual kan tlawng tlang, kan ittlang ṭheu” a ti.

Be the first to comment

Leave a Reply

Your email address will not be published.


*