Tlauhmun Khua In Falam Mipi An Va Bawm

Chin Relief-rehabilitation and Community Development Foundation (CRCDF) “Tlauhmun khua hnen ah tla Kan Lungawi Lala. Tlauhmun khua khal in Falam khuapi ih COVID boruak pit ruangih boruak sah lai ah “Unau theipum seu” lungput thawn an hmuan sung suak thlai rah/hnah tampi in hlu ve a si.

Tuni (Aug 21) ah Falam COVID Volunteer pawl in innsang 180 hnen ah tlei tak in kan zemdarh thei a si. Thlai rah/hnah pawl in pekhlantu Tlauhmun khua parah kan lungawi tuk.

Volunteer pawl hrang suncaw thaw takta ABC soup in tuah saktu We Love Falam group hnen le thingthei rah thaw emem pawl in hlutu “Team Luminous” hnen khal ah kan lungawi lawlaw.

COVID-19 pulhnat ih nuainak ihsin Falam khuapi luatsuak thei dingih zuam rero lai ah kiangkap khua zate in haang hnah, haang rah thawn in cawmdawl ringringnak parah Laikhua lam ih Lothlotu zate hnen ah lungawithu a thar in kan sim a si.

Tuhlan deuh khal ah Congheng, Zahmual, Congțhe, Țaisun, Țaizawl, Sumhrang, Tili, Lungpi, K.Hmunpi, Sunthla le Tlauhmun khua pawl khal in in rak hlu zo a si. (Boruak a ong leh tikah Laikhua lam ih haang hnah/rah an zuarmi pawl a man neep ciamco lonak thawn kan lungawinak kan lang ter saal cio leh pei.)

Be the first to comment

Leave a Reply

Your email address will not be published.


*