Tlawng Kan Va Ap Khin “Nan Duhduh In, In Vuak, In Vel Ko uh, Na Zirhmi Thu Cu Zawn Lungten Kan Zir Ṭenṭo ding Hokhaw” Ti Tluk A Si

Thuneihnak latu ralkap in June 1, 2021 ihsin nauhak pawl tlawng an kai thlang ding an ti. May 24 ihsin hmin pek a theih ih ṭhenkhat cu hmin an pe zo.

2020 kum, Sagaing ramțhen insin CAM cuhtu Salai Lal Than Cuang (Cuang Bik) in “Tusun Chin State sung tlawng aptu hmin list a ra suak. Kan Falam township sungah tlawng aptu kan tambik ti a si. Kan fanau pawl fimthiamnak kan seherh tuk ruangah a si thei nan, tu laitak fang ih tlawngkai cu that lam aiin siatnak a suah sawn.

(1) Sal thinlung ciahnehnak ding zirhawknak: Uico pawl in diklo tak in ramuknak an lak ih mipi hrang zawnruahnak tello in an lal theinak ding si ahcun mi kap, mi keu, mi vuakvelh rero in Acozah din a tum rero.

Cui sualhmang tlukvek fang hriamkai pawlkawm pawl ih kuthnuai ah tuan duh lo in Acozah hnatuan cia ziangmaw tizah CDM an lut rero lai ah Sualhmang pawl ih on mi tlawngah va kai thotho kan tum cu, Sual sal sung lut ding pawi ti lo tuk khi kan bang. Tlawng kan va ap khin “nan duhduh in, in vuak in vel, in pawngsual ko uh, na zirhmi thu cu zawn lungten kan zir tento ding hokhaw” ti tluk a si.

(2) Ziangtik lai khal (kapawk) rambuai thei: Tu’ah Township tin ah PDF (mipi hriamkai) a phunphun an ra suak ih rallokap Uico pawl cimit ter dingah tan an lak rero lai tak a si. Mipi hriamkai pawl cun mipi zawnruahnak nei theu hman sehla, mipi (upa, nauhak ti um lo) hrang ziang zawnruahnak hman nei lo uico pawl cun tlawngta e, nauhak e ti um lo in an hmai ih um poh poh an kap theu ti kha kan theih hngilh lo a pawimawh.

PDF pawl cun Uico pawl rori bat in an kap curco ding nan, uico pawl cun kah dingmi an hmuh lo cun a hmai ih um um in kahsak ding. Cu tluk ih risk um lak ah kan fanau pawl က ခ thiam duh ah an sahim lo nak ah kan thlah tum cu an ngah dingmi thiamnak le an risk mi a mil aw in kan thei maw si?

(3) Covid 19 hi Mizoram hman ah a cem hrih lo: Nauhak le tarcaklo hrang tihnung um cuang mi Covid nathrik hi a cem nak ding san a um lo. Cu ai tih nung um meithal keng uico pawl ruangah kan ngaihsak thei lo ruangah sawn a si. Na fanau pawl cu mibur pi lakah Covid nat kai tih lo in na thlah thotho ding maw?

(4) Ziang cuca khal zirhawk ngai um cuang ziklo: Tuvek ih rambuai lai ah tlawng inn ah saya deihaw lole budget deih aw lo thawn tlawng thaten run a theih cuang zik lo. Saya/ma pawl khal in thinlung lut tak in an zirh thei cuang zik lo.

Ralbuai lo kan kiangkap ram pawl hman Covid ruangah tlawngkai ngam lo ih an cawlh lai ah rambuai le reh hrih lo, Covid lakih kilhimdan zianghman um lak ih lo theih lo ih tlawng kai ter in tum ciamco mi hi kan fanua pawl ca thiamlo ding in seherh tuk ruangah a si lo.

“Ram pumpi hin kan kut hnuai ah daiten in kan uk thei zo a si, sal thinlung kan bun thluh thei zo” ti finfiah a duhnak men a si ti hi kan theihthiam a tul tuk e. Rallokap pawl ih Chinmi pawl in duhdawt lo zia thu khal theihhngilh mei lo ten aw.

Be the first to comment

Leave a Reply

Your email address will not be published.


*