Tlawng Saya Cu A Tattoo Ruangah Kum 6 Hnuailam Nauhak Ca Zirh An Siang Nawn Lo, Nauhak Pakhat Ih Mang Siat Phah

Sylvain cu London le France ram ah saya a ṭuan ṭheu, kumkhat sung tualleng saya a ṭuan zo. A taksa parah tattoo a suaikhat thluh ih sumpai cun £52,000 a cemliam, a lei le a mit sung khalah tattoo a suai. A tattoo suainak ah nazi 460 sung caan a hmang.

Switzerland ram ah ava feh ih a mit sungah tattoo a suaiter hnu nikhat sung cu khua a hmu thei lo lawk. Sylvain in, “Ka mitmu hi thim in an dawt, a natdan cu a mak lawlaw. Mah le mah hremawknak ciikhat a si, zohman tuah ve hlah uh. Mi ṭhenkhat cu mitcaw lanta khal an um lo ruangah nan tuah ve dingah ka lo duhpi lo” a ti.

Hitin a taksa a cei danglam thluh ruangah “leitlun ih tlawng saya ṭihnung bik” an ti. A tlawngta nauhak kum 3 mi ih zanmang a siat phah ih an tlawng saya thuhla cu a nulepa hnenah a sim thei, a nulepa in tlawng saya gyi hnenah thubuai an va thehlut ih Sylvain cu nauhak kum 6 hnuailam cazirh an siang nawn lo.

Kum 6 tlunlam lawng ca a zirh thlang ding, online mipi pawlin nauhak kum 6 tlunlam ih tlawng saya ding khalah a ṭihnung thotho an ti. Sylvain in a taksa a cei danglam thluh ruangah nauhak pawlin an duh sawn thu a rel, nauhak pawl cun thil danglam zetzet an ngaina cuang a ti.

Sylvain in, “Ka tlawngta nauhak pawlin theihthiamnak an neih tam phah, an upat tikah midang zawnruat an thiam ding, rualban lo an hmuhmi khal an hmu danglam cuang lo ding” a ti.

Be the first to comment

Leave a Reply

Your email address will not be published.


*