Tlawng Saya Pakhat In Mipa Nauhak Nun A Siatsuah

Malaysia, Tapah khua ih tlawng saya pakhat in tlawngta mipa nauhak 7 ih nun a siatsuah sak ruangah thubuai 32 an orhter. Mipa nauhak pawl cu kum 14-16 mi hrawng an si ih Secondary School tlawng kailai an si.

July 28 ihsin Sept 28, 2020 sungih thilthleng a si ih a thuhla cu an buaipi rero lai, mipa nauhak pawl cu rualpi vekin a kom ṭheu ih warden inn sungah arak itpi ṭheu.

Mawi lo zetzet in a cangvaih pit ruangah thubuai orhter a si, thiamlo coter asilen kum 20 sung thawngthlak le vuak a tuar ding.

Tu’ahcun court in camkhat sung RM55,000 zatin an bail suahter hrih, a suah sung khal zohthup ringring a si dingih thlatinten police sakhan ah a report aw ringring ding. November 15, 2021 ah a thubuai cu an relfel sak ding. (#The Borneo Post)

Be the first to comment

Leave a Reply

Your email address will not be published.


*