Tlawng Sayama Gyi A Awkaw That

Magway ramkulh, Thayet khawpi, ahmat 7 vengsung ih um Ywadaung khua ih tlawng sayama gyi ṭuanlai cu a innsung ah hridai in a thlaiaw that. December 28, 2021 zinglam ah vengsung mipi pawlin an va zoh ih thicia in an hmu.

Sayam Gyi ih rualpi ṭha pakhat in, “Sayama gyi in dung thluntu nauhak tampi anei, fimthiamnak lamah nauhak pawl hi a duhsak zet ih thazang a suah. Ramsung buainak thuhla ah a dung thluntu nauhak pawlin an soisel, hmuhsuam a tong. Himi ruangah si ding hi thil a thleng” a ti.

Sayama Gyi ih ruak cu siizung ah an phur ih zohdiknak an nei, a thih thuhla cu tualsung ṭuanvo neitu pawlin an zingzoi ding.

Be the first to comment

Leave a Reply

Your email address will not be published.


*