Tlawng Sayama Pathum Cu Uniform An Hruh Lo Ruangah Ralkap Pawlin An Hrem

Ayeyarwady, Bogale khua ih tlawng sayama pathum cu tlawng uniform a hring le a var an hruh lo ruangah ralkap pawlin sakhan ah an ko ih nun an sim, an beng. Tlawng sayama pathum cu Putinsu School ih sayama áš­uan lai an si.

November 1, 2021 ah sayama pathum cu nauhak pawl ca zirh dingin tlawnginn lamah an va feh. Uniform an hruh lo ruangah ralkap pawlin thu an sut ih Staff Card khal an keng lo ti an thei ih ralkap sakhan ah an hruai. Nun an sim hnuah tlawng an kaiter.

Tualsung mi pakhat in “Sayama pathum cu tlawnginn ah an va feh. CDM tuah lo an si ruangah kiangkap mipi pawlin an relsia ding ti an phang ruangah uniform an hruh ngam lo. Ralkap pawlin sayama uniform an hruh lo ruangah le ID card an keng lo ruangah nun an sim ih tlawnginn ah an fehter” a ti.

Tualsung mi CDM tuah saya in, “Ralkap pawl hi cathiam lo, zianghman thei lo an si ruangah saya/sayama pawl ih hlutnak khal an theithiam lo. Sayama pawl an beng ti cu an luan tuk. A tuartu pawl khal an phutawk a si” a ti.

Be the first to comment

Leave a Reply

Your email address will not be published.


*