Tlawng Sayama Thattu An Kai

Ireland, Tullamore khawpi ih um tlawng sayama kum 23 mi Ashling Murphy cu January 12, 2022 simlam nazi 4:00 hrawngah misual in an that.

A hnaṭuan hnuah amahten tiva kap ah a tlan, lamlengnak aneih laiah misual kuttuar in a thi. An soisat hnuah an rek that. Tualthattu cu an hawl rero ih an rinhlelmi pakhat an kai lawk nan thu an sut hnuah an suahsal.

Kiangkap um CCTV pawl an zohdik ih kiangkap um mipi pawl thu an sut hnuah mipa kum 31 mi Jozef Puska cu an kai. Palik sakhan ah an khum lai ih mipi cu thinheng sosang in palik sakhan cu an kulh thluh ih tualthattu cu mipi hnenah hlan dingin an au ciamco.

Jozef Puska ih thubuai cu hmaizarh ah court in a relsak ding, tualthat thubuai an orhter hnuah ziang rel duh na nei maw? tin an sut ih “Nei lo” a ti. Tlawng sayama Ashling Murphy ih ruak cu January 18, 2022 ah an vuiliam.

Be the first to comment

Leave a Reply

Your email address will not be published.


*