Tlawnginn Sangka Kiangah Box Arak Um, Bomb Si An Zum Ih Tutiang An La Ngam Hrih Lo. An Kil Thepthep

Ralkap in June 1 ihsin Myanmar ramsung tlawngta nauhak pawl tlawngkaiter an tum, ramsung a buai lai ih hlei ah Covid-19 thlisia a hrang lai ruangah ṭhenkhat cu tlawngkai an tum lo. Asinan, ṭhenkhat cu tlawngkai dingin hmin pe an rak um thotho.

Curuangah tlawnginn ah bomb puak thuhla theih ding aum vivo, zo in bomb an kam ih an ti puak ti cu theih a si lo. Ṭhenkhat in mipi kilhimtu pawl an si ding an tiih ṭhenkhat in ralkap lamtang dalan pawl an si ding, mipi lakah buainak an suahter tum an ti.

Mon State, Moe Naing vengsung ih Swe Taw Primary School sangka kiangah box danglam zet hmuh a si. May 26 zanlam ah an hmu zo ih ralkap le palik pawlin an kil ringring.

Vengsung palik bawi khal a hmun ah ava feh ih hlaral ihsin an zoh. Box sungah ziang thil aum ti an thei lo ih bomb si an zum bik, zohman in an lasuak ngam hrih lo ih tlawnginn cu palik pawlin an kil thepthep.

Be the first to comment

Leave a Reply

Your email address will not be published.


*