“Tlawnginn Siatsuahtu Pawlkom Cu Kan Cohlang Lo Ding” Tin NUG In Thu An Suah

National Unity Government (NUG) cozah in, ‘Nauhak tlawnginn dotu, siatsuahtu cu ziangvek pawlkom khal an silen kan cohlang lo ding. Kan dem ding a si” tin June 3, 2022 sun ah an phuang. Dothlennak ih tel pawl khal hriamkai pawl ih thlun ding mi daan le dun pawl simthan awknak an nei cih.

Ralhrang pawlin nauhak tlawnginn hmangin ramkhelhnak ah an cangvai. Asinan, saya/sayama tam sawn, tlawngta nauhak tam sawn cu ralhrang kuthnuai ah an um duh lo ih CDM an tuah rero lai. Tlawngta nauhak malte lawngin tlawngkai dingin hmin cazin an pe.

May 30 sun ah Yangon lamzin ah bomb a puak, himi bomb puak cu ralhrang pawlin dothlennak ih teltu pawl hminsiatnak dingah an cangvai a si. Ralhrang pawl ih puahmi a si nan dothlennak ih teltu pawl an puh” tin an phuang.

Himi Yangon lamzin ih bomb puak cu ralhrang pawl khalin mipi ralkap pawl an puh ve. NUG in Yangon lamzin ih bomb puak vekin ralhrang pawlin tlawnginn ah an cangvai ding ti kan phang. Tlawngta nauhak pawl humhimnak ṭuanvo latu ding nan si tin an tarlang.

Kan dung May 31 khalah Shan State, Nawnghkio khua ih fimthiam zirnak zung sungah bomb a puak ih zirhtu pakhat a thi, zirhtu 8 in hliamhma an tuar zo. Himi khalah ralhrang pawlin PDF pawl ih cangvaihnak a si tin an tarlang. Asinan, tualsung mipi ralkap pawlin mipi umnak ah an cangvai lo thu theihternak an suah ve.

Ralhrang pawlin mipi le PDF karlak ah hmuhthiam awklonak um dingin an tuah tum rero. NUG cozah in online ihsin cazirnak an ong ih a remcang pawl cu online ihsin kai dingin forhfialnak an nei. Ralhrang pawlin tuikum ah rampum huap nauhak tlawngkai dingih hmin pe 5.2million an um thu an tarlang.

Be the first to comment

Leave a Reply

Your email address will not be published.


*