Karen State, Hpa-an University tlawng cu ralhrang pawlin January 6, 2022 ah tlawngkai dingin thu an than nan tlawngkaitu cu minung 3 lawng an um. Ralhrang in thuneihnak an lak hlanah himi tlawnginn room pakhat ah tlawngta nauhak 100 lenglo an um nan tu’ahcun 3 cu an um. Himi pathum khal tlawngta ngai an si le silo cu theih a si hrih lo.
Ralhrang pawlin bazar kai, bazar ih thilzuar pawl cu tlawngta nauhak vekin lem an canter ih an zuk / interview an tuah. Fala pakhat cu mask bun in ralhrang pawlin interview an tuah ih, “Tlawng a ṭheh hnuah tlawng sayama a ṭuan tum thu pawl a sim thei.
Vengsung mipi pawlin zo a si ti an zingzoi ih tlawngta silo, bazar ih thilzuar ṭheu ti an thei. Ralhrang pawlin an fial ruanagah tlawngta nauhak vekin lem arak cang.
Hpa-an University tlawnginn ah saya/sayama 300 lenglo an um ih a tam sawn cu CDM an tuah, tlawngta nauhak 90% cu CDM an tuah thluh ih ralhrang kuthnuai ah tlawng an kai duh lo. Ralhrang in Hpa-an University tlawngta nauhak 10 cu an kai ih pukmah 124 hmangin thubuai an orhter, thiamlo an co asilen kum 20 hrawng thawng an tla thei.
Leave a Reply