Tlawngkai Ding Hmin An Pe Rero Lai, Falam Tlawnginn 2 Ah Bomb A Puak

Tuizing May 26 zingpit nazi 2 hrawngah အ.ထ.က(၂) tlawnginn sungah bomb a puak. Cumi hnuah အ.မ.က (၅) tlawnginn ah bomb a puak sal. Zingpit ih thilthleng a si ih mithi le hliamtuar an um lo nan tlawnginn cu a siat thluh.

Ralkap in June 1, 2021 ihsin Myanmar rampum huap tlawngkai thlang ding an tiih May 24 ihsin hmin an pe rero zo. Nikhatnak Chin ramsung ah nauhak hmin pe 1,796 zat an um ih Falam ah an tambik.

Falam CDM Supporters in “Tlawng ap hlah uh, Tlawng kai hlah uh Campaign. Tu ah Falam peng sungah CDM ruangih hnaṭuan cawlhter a tongtu Saya le Sayamah 800 luan lai an um ruangah kan fale pawl tlawng kan ret a si tla le zirhtu an deihawk lo thotho ding.

Ralkap kut tang ih ca zir tla an him pei maw ti ruatsak in kan neh hlan sung cu Nu le Pa pawl in kan fale pawl tlawng ap hramhram lo dingin kan lo ngen duh. Kan fale pawl tlawng kan ap le kan Falam kan hmualphoh thawn a bang aw” tin an tarlang.

Nikhatnak ih Chin ramsung hmin pe cazin cu: Hakha fimthiamnak ih cazin cu KG ah 4, phunkhat ah 4, phunhnih ah 4, phunthum ah 2, phunli ah 11, an zaten kom in Primary Level ah 25 an si. Middle Level ahcun phunnga ah 1 lawng aum, cun phunkua le phunhra ah 1 veve an um. An zaten komin 28 an si.

Falam ramsung ih hmin petu zaten kom in Primary Level ah 244 an si, Middle Level ah 168, Middle Level cu phun 5, 6, 7 pawl an si. Tedim ramsung ih hmin pe cazin cu Primary Level ah 156, Middle Level ah 42 an si. High School Level ah hmin pe an um lo.

Tonzang ramsung ih hmin pe cazin cu Primary Level ah 107, Middle Level ah 85, High School Level ah 13 an si. Tlawngkai dingih hmin pe pawl cazin cu Chinram, Myone 9 ta siloin Myone 7 ta lawng a si. Mindat le Kanpetlet cu an tello.

Be the first to comment

Leave a Reply

Your email address will not be published.


*