Tlawngta Pakhat In A Fala Cu Bag Sungah A Ret Ih Mipa Sawng Ah A Norlut

Manipal University ih tlawngta pakhat in a duhdawt zetmi a fala cu a room sungah hruailuh a tum ih a cangvaih hi a mak zet. Mipa hostel sungah bag tumpi a norlut ih hnaṭuantu pawl ih ngaih a ṭha lo, ziangthil si? tin an sut ih tlawngta in online ihsin thilri tampi ka cah ih ara thleng’ a ti.

Hnaṭuantu pawlin a sungah thildik lo aum ding ti an zum ruangah a sung zohsak an tum ih tlawngta in a siang lo, tlawngta in thil mankhung zetzet aum ih a kuai thei tin mawi zetin a bum tum rero. Asinan hnaṭuantu pawlin an zohsak thotho cu a sungah fala arak um.

A fala khal an tlawnginn ih tlawngta pakhat a si ih lamthiam a si. Lamthiam a si vekin a taksa hi a nem ih bag sungah a kual’aw thei. Hitin thubuai an neih hnuah fala le tlangval cu tlawnginn ihsin an dawisuak ih an khua ah an tlung veve.

Be the first to comment

Leave a Reply

Your email address will not be published.


*