Tleirawl Kum 13 Mi Le A Fala Naupai An Neiaw

China ram, Ding’an County khuate ih um tleirawl kum 13 mi le a fala kum 13 mi naupai cu an nunphung daan in kutsihnak an nei. Nunau kum 13 mi hi naupai lai a si ih thla 5 a kim zo, nauhakte ih kutsihnak an neih ruangah mipi in an soisel.

Online mipi in, “An nauhak tuk lai, hmailam caan ah ziangtin an innsang an kilkhawi ding, ziangtin ṭuanvo an la thei ding” an ti. China daan le dun ah nauhak tuk ih neihawk an siang lo, nunau cu kum 20 a kim lawngah pasal a nei thei.

Mipa cu kum 22 a kim lawngah nupi anei thei tin daan le dun an nei nan kum nauhak tuk ih neiaw cu an tam zet lai. Tuiṭum ih neiawtu khal ngaihzawng aw an si ih nunau in nau a pai ruangah cozah theihpinak si lo, an nunphung daan in nulepa in an neihawk ter.

China nulepa tam sawn cu sumpai hawlin hmun dangdang ah hna an ṭuan ṭheu ih an fale pawl hi an ngaihsak man lo, an pilepu hnenah an umter ih kum nauhak tete in an rak cangsual ṭheu.

Be the first to comment

Leave a Reply

Your email address will not be published.


*