Tleirawl Kum 14 Mi Cu Online Ih A Tonmi Tlangval Ih Neiaw Dingin A Ko Ih >>>

2019 kum ih thilthleng a si nan online kan hmang tikah fimkhur a ṭulzia theihter awknak ah himi thuthang hi kan tarlang sal a si.

Kayin State, Kawkareik Township, Naga Dwe khua ih um kum 14 mi Ma Aye Thazin Oo cu tleirawl harh vanglai a si, hringtu pa anei nawn lo ih a nu in a hmeipi. Online fehtlang in tlangval pakhat thawn an duhaw, Phyokoko Phyo Koko timi facebook neitu thawn an beaw ṭheu ih an duhawk hnuah tlangval in neiaw dingin a sawm.

Tlangval khal a facebook sungih zuk vek asilen kum 15/16 mi hrawng a si ding. Mon State, Mawlamyine khawpi ah tongaw dingin an sim thei aw, tleirawl lungaa lai tiah Ma Aye Thazin Oo cu inn ihsin a tlan ih amahten Mawlamyine khawpi ah ava feh.

Online ih a tlangval in, “Ra awla, ziangkim ṭuanvo ka rak la thluh ding” tin arak tiamkam zo. Asinan, Ma Aye Thazin Oo cu Mawlamyine khawpi a thleng tikah online ih a tlangval in ṭuanvo arak la ngam lo, a phone khal a off ih pehtlaihnak ding lamzin aum nawn lo ih a hlo reprep.

Cutin, Ma Aye Thazin Oo cu Mawlamyine khawpi lamzin kap ah a vakvai, a vanṭhanak ah vengsung hruaitu upa pawlin an rak hmu ngah ih a thuhla an sutfiang hnuah palik sakhan ah an hruai. Khawtlang hruaitu le palik pawlin an khua tiang an va thlahsal, vengsung hruaitu upa pawlin rak tong lo sehla cun a nun cu ti siatsuah in aum ding.

Be the first to comment

Leave a Reply

Your email address will not be published.


*