Thailand, Bang Phli district ih um tleirawl kum 14 mi in a tlangval kum 16 hnenah ‘Ka nu hi that aw’ tin a fial ih a that. Hringtu a nu cu an duhdawtnak khamtu, an duhdawtnak hnaihnoktu a si’ a ti.
Tleirawl kum 14 mi cu Mathayom Suksa 2 ah phun 8 a kailai, a tlangval cu phun 10 a kailai. Covid-19 ruangah online fehtlang in tlawng an kai, phone thawn an biaaw ringring ih exam ah tleirawl cu subject 5 rori a sung ruangah a nu cu a parah a thinheng tuk.
Tleirawl in a nu thinhengnak cu a theithiam lo ih a tlangval that a fial. April 7 zan ah a tlangval cu a ko thup ih an coka ah a relhter, tleirawl in a nu thatnak dingah nam saupi a pe. A nu cu an coka ah ava feh ih tleirawl in cangvai dingin theihtheinak (signall) a pek veten a tlangval in a nu cu nam in a dawt ciamco.
Kum 53 mi Ms Jeerapha in hliamhma nasa zet a tuar, a hngawng, a hmai le a lu ah nam ih satnak hliamhma a tuar ih zial ah a thi. An innsung cu thihnai in a khat, tleirawl kum 14 mi ih upa Mr Kitti (kum 23) in a hmu ih a nu cu a run tum ruangah nam in arak dawt ciamco. Mr Kitti khal hliamhma nazet a tuar.
An innhnen nu in, “An innsung lam ihsin thawmvang nasa zet ka thei nan sangka an khar thluh. A fapa hliamtuar hi ara suak ih bawmnak dil in a au ciamco, tleirawl kum 16 mi in nam kengin a thlun ih a tuahmawh tum sal” a ti.
An innhnen nu in palik pawl a ko lohli ih Mr Kitti cu an run man. Tualttualtu khal an room kawt ah thihhnai thawn arak to hnianghniang, room sungah a fala khal aum. An pahnih in palik pawlin an hruaisuak ih thu an sut rero lai, an kum a kim hrih lo ruangah an hmin cu an pholang lo.
Tleirawl kim 14 mi in a nu that a fialnak cu an duhdawtnak khamtu a si ruangah tin a phuangaw ih, “Ka nu hi that dingin keimah in ruahhmannak ka nei. Ka thluak lam a buai ṭheu, a caan ahcun ka control aw thei lo” a ti. Tleirawl pahnih cu Bang Phli police station ah an hruai ih thu an sut rero lai, hliamtuar Mr Kitti khal tualsung siizung ah an tuamhlawm.
Leave a Reply