Tleirawl Kum 17 Mi Cu PDF Pawl Thawn Nan Pehtlaih Aw Tin An Kai

Magway, Myothit Township, Man Kyi Kone Gyi khua ih um university kumkhatnak zir lai tleirawl kum 17 mi Ma Yun Le Po cu ralkap pawlin PDF pawl thawn nan pehtlaihaw tin November 9, 2021 simlam nazi 3:30 ah an kai.

Ralkap motor pahnih thawn an inn ah an va feh ih an kai, tu’ah Myothit palik sakhan ah aum lai. Magway University Students Union ṭuanvo neitu in “Ma Yun Le Po hi kumkim hrih lo a si, kum 17 lawng a si lai.

Man Kyi Kone Gyi khua ih dalan in PDF pawl thawn an pehtlaihaw tin ralkap hnenah a hek ih an kai. Myothit palik sakhan ah aum lai ti kan thei” a ti.

Sanchi veng sungih um mi pathum khal san le vang um loin ralkap pawlin an va kai, an hmin cu Daw Than Ho, U Aung Ko Ko le Ko Khaing Htoo pawl an si. An kaihmi pawl hi tutiang an suah hrih lo ih ziangtin an thuhla an ṭhencat ding ti khal theih a si lo ruangah an innsang pawlin an seherh zet.

Be the first to comment

Leave a Reply

Your email address will not be published.


*