TNLA In Ritheihthil Ruangih An Kaihmi Pacang Cu An Vuaknak Hliamhma Tuar Loin A Thi

Shan State, Namhkan ramsung ah TNLA ralkap pawlin ritheihthil tham / zuartu pawl cu an kai vivo. Mokham vengsung ih um pacang khal an kai ih an suah zalen hnuah an vuakvelnak hliamhma ruangah a thi.

August 5, 2022 sun ah TNLA ralkap 30 hrawngin ritheihthil tham / zuar pawl cu an kai ciamco. An kaihmi Lon Kyaw Swe (kum 60) cu an innsang le khua upa pawl ih theihpinak in August 7 sun ah an suahsal, a kut le ke ah an vuakvelnak hliamhma nasa zet a tuar.

A taksa khal a dum thluh, rawl khal a ei thitha thei nawn lo ih ‘ka taksa a naa tuk’ a ti rero. An sungkhat in, “TNLA ralkap pawlin ritheihthil ruangah tualsung mi tam zet an kai ih mi 10 zik te an thi. Cumi lakah kum 60 mi Lon Kyaw Swe khal a telve.

An kaih hnu ni 2-nak ah an suahsal nan a taksa ah vuakvelnak hliamhma nasa zet a tuar. An suah hnuah a taksa naa ruangah rawl khal a ei thei nawn lo ih August 14 zanlam nazi 5:00 ah a thi. Kum upa lam hitin an vuak cu a ṭha lo, in thihsan zo” a ti. An kaihmi midang pawl cu an suah hrih lo ih Mongkhet loram sungah hnaṭuanter an tum.

Be the first to comment

Leave a Reply

Your email address will not be published.


*