Tom Cruise Le A Fala An Ṭhenaw

Kum 40 mi Tom Cruise cu US lemcan thiam hminthang a si, zuknung lam ahcun a hlawhtling zet nan duhdawtnak ahcun a hlawhsam. Nupi veithum a nei zo ih parol (pathlawi) a si, fate 3 anei zo. Lemcan thiam hminthang Hayley (kum 40) thawn an kopaw nan an tluang thei lo.

2020 kum ah Hayley thawn Mission: Impossible 7 timi zuknung an cangtlang ih an duhaw cih, September 2021 ah veikhat an ṭhenaw. Cumi hnuah an biaaw ṭheu ih an kopaw sal nan tu’ah an ṭhenaw lala. An thuhla buaipitu in, “An pahnih karlakah thil a feh tluang thei lo ruangah a veihnihnak an ṭhenaw, rualpi vek ih um an duh sawn” tin an tarlang.

Thudang: Shakira Tei Nupa Cu Kum 11 Hnuah An Ṭhenaw
Leitlun ih hlasakthiam hminthang Shakira (kum 45) le a pasal bawlung sit thiam Gerard Piqué (kum 35) cu kum 11 sung an umtlang hnuah an ṭhenaw fel. An pahnih lungkimnak in, “Kan ṭhenaw tin kan nenhnget ruangah poi kan ti zet. Kan ruat thupi bik mi kan fale pawl ruangah kan thubuai hi in zahsak hram uh. In theithiamnak parah kan lungawi” tin an tarlang. An ṭhenawknak thubuai hi an tarlang lo.

Thuthang ṭhenkhat ahcun a pasal Gerard hi a uire, a bawlung sitpi pakhat ih nu thawn an ittlang tin an ngan. Shakira le a pasal Barcelona arsi Gerard Pique cu 2010 World Cup ihsin an hmeltheih aw. Cutawk ah Shakira in “Waka Waka” timi hla a sak, tu’ah fa pahnih an nei zo. Shakira tei nupa hi kutsihnak an nei hrih lo. Media pawlin thu an sutnak ah a pasal in, “Kan boruak a ṭha ih neihawk sawmawk khal a ṭul hran lo. Tu’ih kan umdan hi a ṭha ka ti. Fa kum 9 mi le kum 7 mi kan nei zo, kan kopawknak cu a ṭha zet. Neihawk kherkher a ṭullo” a ti.

Shakira hi a pasal aiin kum 10 in a upa sawn. Media pawlin thu an sutnak ah a pasal in, “Espanyol team fehtlang ih bawlung sit cu nuam ka ti tuk. Leitlun ah tahthim ding aum lo, Real Madrid ih ka lek lai aiin nuam ka ti sawn. Espanyol team ih bawlung sit cu nupa-sinak hman aiin nuam ka ti sawn” arak ti zo. Shakira in a pasal cu an inn ihsin a dawisuak ih tu’ah a fale pahnih thawn an um. A pasal thawn an ṭhenawk fel zo ruangah Barcelona ram ah aum nawn lo ding, Barcelona ram ah sungkhat le rualpi a neih lo ruangah a fale pahnih hruai in an ram Colombia ah a tlung tum.

Be the first to comment

Leave a Reply

Your email address will not be published.


*