Traffic Zam Ah A Tang Ih A Zun Suak Tuk Ruangah 911 Hnenah Bawmnak A Dil Ih A Hlawhsam Bet

US, Canada pacang pakhat cu traffic zam lakah a tang ih a zun suak tuk ruangah umngaihnak a thei lo. Kiangkap ah zunthawhnak aum lo ruangah a talbuai, a cemnak ahcun palik 911 a phone.

An biakawkdan: Palik: “911 kan si, meitat maw, ambulance na ṭul?” Pacang in “Hello… zangfahten ambulance ka ṭul tuk”. Palik “Ambulance na ṭul maw?”, pacang “Si leh lo, palik ka ṭul sawn”. Palik “Ziangsi na poihainak (emergency)?”, pacang “Umm…zianglo si, ka zun suak tuk ih ka hmai ih um motor pawl an feh thei lo”.

Palik “Na zun suak maw?”, Pacang “Aw”. Palik “Na poihai (emergency) cu na zun suak maw?”, pacang “Aw”. Palik “Palik in ziangtin na zun suak cu an lo bawm thei ding?”. Pacang “Ka zun suak tuk ka lo ti”, Palik “Palik in na zun suak thuhla cu kan lo bawm thei lo, phone ka thlak ding” tin phone line cu a phit.

The Peel Regional Police department in an biakawknak aw (Audio clip) cu an tlangthan ih “Thil poimawh tuk lo ahcun palik pawl hi run phone nawn hlah uh, himi kan biakawk sungah midang in thil poimawh tuk ih in rak be duh an um men thei. An nunnak tla a hlo man men thei” tin ralrinnak thu an suah. (#New York Post)

Be the first to comment

Leave a Reply

Your email address will not be published.


*