Tuisun An Doawknak Ah CDF Mindat Pakhat A Thi

Ralkap le Mindat mipi kilhimtu pawl an doaw sal. Tuisun July 22 sun nazi 12:15 hrawng ah an kapaw ciamco ih mipi kilhimtu lam pakhat a thi.

Ralkap pawl cu Magway ihsin Mindat ramsung ah an va lut ih Shwe Aung Thar khua an thleng zawngah Mindat mipi kilhimtu pawl thawn an kapaw.

Mual liamtu pasalṭha cu kum 20 mi a si ih July 8 sunah “Dothlennak a cem hnu, democracy ni eng mawi a suah lai hi ka hmu ve man kem maw aw” tin a facebook cahmai ah a tarlang.

July 21 khalah Chin-Magway ramri ah veihnih kahawknak a thleng, cumi hnu tuizing ah ralkap pawl cu Chinram sungah an va luh ih Mindat ramsung ah an kapaw. An doawk sal ruangah khuasung mipi pawl cu sahimnak hawl in ramlakah an tlan sal.

April thla ihsin ralkap le Mindat mipi kilhimtu pawl an doawknak ah CDF Mindat 25 in ram le miphun hrangah an nunnak an hlan zo.

Be the first to comment

Leave a Reply

Your email address will not be published.


*