Tuisun An Doawknak Ah Ralhrang 20 An Thi Ih 23 Cu Nungdam In An Kai >>>

Tuisun December 25, 2021 ah ralhrang le KNU pawl an kapaw ciamco ih ralbawi telin ralhrang 20 hrawng an thi ih 23 cu nungdam in mipi kilhimtu pawlin an kai. Kayin State, KNU tatmaha 6th hmunram sungah ralhrang pawl an va lut ih an kapaw ciamco.

į¹¬uanvo neitu in, “Kahawknak cu a dai zo, sunnivu in an kapaw ih ralhrang 20 hrawng an thi. Mithi lakah sinak sang ralhrang khal an tel, nungdam in 23 an kai. Lieutenant Colonel Htin Lin Zaw Pao ih kawng ah an kap ngah ih ralhrang pawl hotu pakhat khal an kap that, ralhrang pawl hotu ih hmin cu ka thei hrih lo” a ti.

Cuvek thotho in December 15 simlam nazi 3:20 hrawngah KNU tathama 1th hmunram sungah ralhrang pawl an va lut ih mipi kilhimtu pawl thawn an kapaw ciamco. KNLA tatmaha 1th tatzin 2th, TPG, TDO, tualsung mipi kilhimtu MTHSD le Thaton Civil Special Operations Force pawl an tangtlang ih ralhrang pawl thawn an kapaw ciamco.

Himi an doawknak ah ralhrang 3 an thi ih 4 in hliamhma nazet an tuar. Mipi kilhimtu lamah hliamtuar le mithi an um lo, ralhrang pawlin bomb le pukpi in an kap ciamco ruangah mipi kilhimtu pawl cu dung an sip.

Be the first to comment

Leave a Reply

Your email address will not be published.


*