Tuisun Falam Peng Sung Doawknak Ah Amalbik Ralkap 20 An Thi, Salai Ralṭha 4 Ih nunnak A Liam

Chin National Defense Force (CNDF): “Chin Ramkulh, Falam Peng sungah 2021 June 29 Ni, zinglam 7:30 ihsi thokin Tualthat Acozah ralkap pawl le CNDF karlak ah nahzi 2 sung hrawng kahawknak a thlengih, Tualthat Acozah ralkap lam in a malbik mi 20 an thi ih, tam nawn in hriamhma an tuar a si.

Kanmah CNDF lam cun miralṭha ralkap 4 in ram le miphun hrang nunnak an hlanih mi 3 in thlaphan um lomi hriamhma an ngah a si.

Tualthat Acozah ralkap pawl in CNDF pawl kan thlennak hmun pakhat ah in kap dingin ralthuam tum pawl nasa takih hmangin, in ra nawrmi cu mah le mah humhim-aw dingin CNDF lamin kan rak kap ve mi a si.

Mizan sun lamah Tualthat Acozah ralkap pawlin Falam Peng sungih khuate hrekkhat ah lutin ṭilva pawl hranhram ih longin an ei sak hleiah, inn hrekkhat tla an siatsuah a si.

Atufang ah Tualthat Acozah ralkap hrekkhat dungsip in kahawknak a dai hrih vek nan, kahawknak hi a luarkai vivo hrih thei ruangah tualsung mipi hnenih kan than duhmi cu ralring zetin thlaphang tuk lo tei’ um dingin le CNDF ih kan dinsan cu Mipi humhim ding kan si vekin Mipi lam harsatnak thlen lo thei tawpih cangvaih vivo kan tum a si.

Be the first to comment

Leave a Reply

Your email address will not be published.


*