Tuisun (June 24) Kalaymyo Ah Mithi 17 An Um

Chin mipi tlanlennak Kalaymyo ramsung ah minung 17 an thih thu theih a si. Mithi 4 cu Covid-19 positive an si ih midang 13 cu Covid-19 nat nei ih rinhlelmi damlo an si.

Covid-19 volunteer pakhat in “Tuisun ah Kalaymyo ramsung ah minung 17 an thi, 4 cu Covid-19 nat nei an si. 13 cu rinhlelmi damlo an si. Mithi an pung deuhdeuh ruangah mithi ruak vuitu khal kan daihaw nawn lo tluk a si” a ti.

Tuisun ih mithi pawl cu Tahan vengsung ah 3, midang 14 cu Chan Myae Aung Si veng, Aung Zeya veng le Sakhangyi khua ih um pawl an si.

Kalaymyo Covid-19 tuamhlawmnak hmunpi ah positive damlo 251 an um, cutawk ah sibawi 2 le volunteer 7 lawngin an tuamhlawm. Oxygen an daihaw lo ruangah an buai thei zet, damlo bese pawl cu Kalaymyo cozah siizungpi ah an kuat áš­heu.

Tuisun khalah damlo bese 10 lenglo cu Kalaymyo cozah siizungpi ah an kuat zo. Kalaymyo ramsung ah Covid-19 nat nei an pung deuhdeuh, damlo tuamhlawmnak hmunpi ih um aiin mai inn lamah mahten rak tuamhlawm aw khal an tam zet.

“Nikhat ah mithi 5-10 karlak cu an um ringring” tin Covid 19 volunteer in a rel. May 24 ihsin June 24 karlak, thlakhat sungah Kalaymyo ramsung ah Covid-19 positive le rinhlelmi damlo pawl telin mithi 100 hrawng an um zo.

Be the first to comment

Leave a Reply

Your email address will not be published.


*